16 Сентябр 2020 йил 179

Андижон вилояти ИИБнинг бир гуруҳ ходимлари Ўзбекистон Республикаси Президентининг Фармонига асосан “Меҳр-саховат” кўкрак нишонлари билан тақдирландилар

Коронавирус пандемияси даврида эл-юртимиз бошига тушган синовли кунларда мавжуд хавф-хатарларга қарши курашишда ва унинг оқибатларини бартараф этишда мардлик ҳамда жасорат намунасини кўрсатаётган Андижон вилояти ички ишлар органларида хизмат қилиб келаётган бир гуруҳ ходимлар Ўзбекистон Республикаси Президентининг Фармонига асосан “Меҳр-саховат” кўкрак нишони билан тақдирланди.

Шу муносабат билан вилоят ички ишлар бошқармасида ушбу кўкрак нишонларини ўз эгаларига топширишга бағишланган тантанали  тадбир  ўтказилди.

Тадбирда  43 нафар ички ишлар ходимларига “Меҳр-саховат” кўкрак нишонлари бошқарма бошлиғи томонидан тантанали равишда топширилди.

Тадбир якунида тинчлик-осойишталикни мустаҳкамлашда ва халқ манфаатлари йўлида фидокорона хизмат қилишда  фаол иштирок этаётган ушбу ходимларнинг хизматлари алоҳида эътироф этилди.

 

Андижон вилояти ИИБ Ахборот хизмати

 

Белгиланган матнни тинглаш учун қуйидаги тугмани босинг Powered by GSpeech