Andijon viloyati IIBning bir guruh xodimlari O‘zbekiston Respublikasi Prezidentining Farmoniga asosan “Mehr-saxovat” ko‘krak nishonlari bilan taqdirlandilar
Koronavirus pandemiyasi davrida el-yurtimiz boshiga tushgan sinovli kunlarda mavjud xavf-xatarlarga qarshi kurashishda va uning oqibatlarini bartaraf etishda mardlik hamda jasorat namunasini ko‘rsatayotgan Andijon viloyati ichki ishlar organlarida xizmat qilib kelayotgan bir guruh xodimlar O‘zbekiston Respublikasi Prezidentining Farmoniga asosan “Mehr-saxovat” ko‘krak nishoni bilan taqdirlandi.
Shu munosabat bilan viloyat ichki ishlar boshqarmasida ushbu ko‘krak nishonlarini o‘z egalariga topshirishga bag‘ishlangan tantanali tadbir o‘tkazildi.
Tadbirda 43 nafar ichki ishlar xodimlariga “Mehr-saxovat” ko‘krak nishonlari boshqarma boshlig‘i tomonidan tantanali ravishda topshirildi.
Tadbir yakunida tinchlik-osoyishtalikni mustahkamlashda va xalq manfaatlari yo‘lida fidokorona xizmat qilishda faol ishtirok etayotgan ushbu xodimlarning xizmatlari alohida e'tirof etildi.
Andijon viloyati IIB Axborot xizmati
