Хонобод шаҳар ИИБ бошлиғи кубоги учун футбол мусобақалари бўлиб ўтди
Хонобод шаҳарида старт олган ИИБ бошлиғи кубоги учун футбол ўйинларининг ҳал қилувчи финал ўйини ўтказилди.
Ушбу мусобақани ўтказишдан кўзланган мақсад, уюшмаган ва хорижий мамлакатларда ишлаб келиб, ҳозирги кунда ишсиз бўлган ёшлар ўртасида жисмоний тарбия ва спортни, шунингдек соғлом турмуш тарзини тарғиб қилиш, ёшларни жисмоний тарбия ва спорт билан мунтазам равишда шуғулланишга жалб қилиш, футбол спорт турнирини ёшлар ўртасида оммалаштириш, улар орасидан иқтидорли спортчиларни аниқлаш этиб белгиланган.
Мусобақанинг тақдирлаш маросимида иштирок этган 3-сектор раҳбари ИИБ бошлиғи Ф.Максудов барча жамоаларга муросасиз ва қизиқарли баҳслар учун қимматбаҳо эсдалик совғалар топширди. Вилоят босқичига йўлланма олган жамоага омад ва ғалабалар тиладилар.
Андижон вилояти ИИБ Ахборот хизмати
