24 Октябр 2024 йил
3466
“25 октябрь - Ички ишлар органлари ходимлари куни” муносабати билан 95 ёшни қаршилаётган истеъфодаги майор Абдуқаҳҳор ота Маликовнинг холидан хабар олинди
Андижон вилояти ИИБ бошлиғи полковник Аюбхон Раҳматуллаев бошчилигида ички ишлар органларида узоқ йиллар фаолият олиб бориб, ҳозирда нафақада бўлган 95 ёшни қаршилаётган истеъфодаги майор Абдуқаҳҳор ота Маликовнинг яшаш хонадонига ташриф буюрилиб, фахрий ходимнинг холидан хабар олинди.
Дастлаб, Ички ишлар вазири генерал-лейтенант Пўлат Бобожоновнинг "25 октябрь – Ички ишлар органлари ходимлари куни" муносабати билан байрам табриги ўқиб эшиттирилиб, мамлакатимиз осойишталигини таъминлашга ўз ҳаётини бағишлаган Абдуқаҳҳор ота Маликов байрам билан самимий муборакбод этилди!
Бундан ташқари фахрий ходимга Андижон вилояти ИИБ Тиббиёт бўлими мутахассислари томонидан тиббий хизматлар ҳам кўрсатилди.
Андижон вилояти ИИБ Ахборот хизмати
