“9-май Хотир ва қадрлаш куни” байрами муносабати билан ЖИЭД иккинчи минтақавий ҳудуд 3-сон тергов ҳибсхонасида спорт тадбирлари бўлиб ўтди
Бўлиб ўтган спорт тадбирларида иштирокчилар спортнинг футбол ҳамда стол тенниси турларидан ўзаро беллашдилар.
Дастлаб ҳибсхона спорт майдончасига барча шахсий таркиб таклиф этилди. Жазони ижро этиш департаменти, иккинчи минтақавий ҳудуд мувофиқлаштириш марказидан, 3-сон тергов ҳибсхона ходимлари ва жазо муддатини ўтаётган маҳкумлардан иборат 4 та футбол жамоалари ташкил этилди ҳамда 8-10 нафар иштирокчидан иборат стол тенниси мусобақаси ўтказилди.
Бўлиб ўтган “Футбол” тури бўйича мусобақада: 3-ўринни Иккинчи минтақавий ҳудуд мувофиқлаштириш маркази ходимлари жамоаси, 2-ўринни хўжалик туркуми маҳкумларидан иборат жамоа ҳамда 1-ўринни 3-сон тергов ҳибсхонаси жамоаси эгаллади ва барча жамоаларга диплом ва қимматбаҳо совғалар топширилди.
Шунингдек, спортнинг “стол тенниси” тури бўйича ўтказиладиган мусобақада 3-ўринни 3-сон тергов ҳибсхонаси касбий тайёргарлик гуруҳи катта инспектори капитан Каримов Бобир эгаллади. 2-ўринни Жазони ижро этиш департаменти маънавий-маърифий ишлар ва кадрлар билан таъминлаш бошқармаси ходими майор Урисбаев Бекполат эгаллади. 1-ўринни 3-сон тергов ҳибсхонаси даволаш-профилактик ёрдам кўрсатиш бўлими шифокори майор Рахмонов Тиллабой эгаллади.
Андижон вилояти ИИБ Ахборот хизмати
