“9-may Xotir va qadrlash kuni” bayrami munosabati bilan JIED ikkinchi mintaqaviy hudud 3-son tergov hibsxonasida sport tadbirlari bo‘lib o‘tdi
Bo‘lib o‘tgan sport tadbirlarida ishtirokchilar sportning futbol hamda stol tennisi turlaridan o‘zaro bellashdilar.
Dastlab hibsxona sport maydonchasiga barcha shaxsiy tarkib taklif etildi. Jazoni ijro etish departamenti, ikkinchi mintaqaviy hudud muvofiqlashtirish markazidan, 3-son tergov hibsxona xodimlari va jazo muddatini o‘tayotgan mahkumlardan iborat 4 ta futbol jamoalari tashkil etildi hamda 8-10 nafar ishtirokchidan iborat stol tennisi musobaqasi o‘tkazildi.
Bo‘lib o‘tgan “Futbol” turi bo‘yicha musobaqada: 3-o‘rinni Ikkinchi mintaqaviy hudud muvofiqlashtirish markazi xodimlari jamoasi, 2-o‘rinni xo‘jalik turkumi mahkumlaridan iborat jamoa hamda 1-o‘rinni 3-son tergov hibsxonasi jamoasi egalladi va barcha jamoalarga diplom va qimmatbaho sovg‘alar topshirildi.
Shuningdek, sportning “stol tennisi” turi bo‘yicha o‘tkaziladigan musobaqada 3-o‘rinni 3-son tergov hibsxonasi kasbiy tayyorgarlik guruhi katta inspektori kapitan Karimov Bobir egalladi. 2-o‘rinni Jazoni ijro etish departamenti maʼnaviy-maʼrifiy ishlar va kadrlar bilan taʼminlash boshqarmasi xodimi mayor Urisbayev Bekpolat egalladi. 1-o‘rinni 3-son tergov hibsxonasi davolash-profilaktik yordam ko‘rsatish bo‘limi shifokori mayor Raxmonov Tillaboy egalladi.
Andijon viloyati IIB Axborot xizmati
