9 Май 2022 йил
462
Андижон вилояти ИИБ раҳбарияти томонидан иккинчи жаҳон уруши фахрийларига эътибор ва ғамхўрлик кўрсатилди
Жорий йилнинг 8 май куни Андижон вилояти ИИБ раҳбарияти томонидан иккинчи жаҳон уруши қатнашчилари Булоқбоши тумани, Учтепа МФЙда яшовчи 1924 йил 5 январда туғилган Гоппоров Абдуғанихожи ота ва Жалақудуқ тумани, Қўштерак МФЙда истиқомат қилувчи 1923 йил 1 июлда туғилган Кадиров Зайнабидин оталар хонадонларига байрам совғалари билан ташриф буюрилиб, уларни 9 - май «Хотира ва қадрлаш куни» билан самимий муборакбод этдилар.
Бир пиёла чой устида олиб борилган дилдан суҳбатлар давомида уруш йилларидаги воқеликлар эсга олинди. Уруш фахрийлари юртимизнинг тинчлиги бардавом бўлишини тилиб, қўлларини дуога очдилар.
Ҳозирда Андижон вилояти ички ишлар органларида байрам тадбирлари давом эттирилмоқда.
Андижон вилояти ИИБ Ахборот хизмати
