Andijon viloyati IIB rahbariyati tomonidan ikkinchi jahon urushi faxriylariga eʼtibor va g‘amxo‘rlik ko‘rsatildi
Joriy yilning 8-may kuni Andijon viloyati IIB rahbariyati tomonidan ikkinchi jahon urushi qatnashchilari Buloqboshi tumani, Uchtepa MFYda yashovchi 1924-yil 5-yanvarda tug‘ilgan Gopporov Abdug‘anixoji ota va Jalaquduq tumani, Qo‘shterak MFYda istiqomat qiluvchi 1923-yil 1-iyulda tug‘ilgan Kadirov Zaynabidin otalar xonadonlariga bayram sovg‘alari bilan tashrif buyurilib, ularni 9 - may «Xotira va qadrlash kuni» bilan samimiy muborakbod etdilar.
Bir piyola choy ustida olib borilgan dildan suhbatlar davomida urush yillaridagi voqeliklar esga olindi. Urush faxriylari yurtimizning tinchligi bardavom bo‘lishini tilib, qo‘llarini duoga ochdilar.
Hozirda Andijon viloyati ichki ishlar organlarida bayram tadbirlari davom ettirilmoqda.
Andijon viloyati IIB Axborot xizmati
