Андижон вилояти ИИБ ППХ ва ЖТСБ назорат-лицензиялаш гуруҳи томонидан ўтган 2021 йилда вилоят бўйича жами 1 минг 993 нафар фуқаро белгиланган тартибда овчилик сифатида рўйхатдан ўтказилиб, овчиларга жами бўлиб 2 минг 713 та қурол сақлаш учун рухсатномалар берилган.

Шаҳар-туман ИИБ ходимлари томонидан овчилик сифатида рўйхатдан ўтган овчиларни шахсий қуролларини сақлаш ҳолати, рухсатномаларнинг муддатлари мунтазам равишда текшириб келинмоқда.

Бундан ташқари, шаҳар-туман ИИБ ходимлари томонидан ноқонуний равишда қурол ва ўқ-дориларни сақлаш юзасидан “Қурол” тадбири давомида бир қатор ҳолатлар аниқланган. Жумладан, ўтган 2021 йилнинг 12 ойи давомида ИИБ ходимлари томонидан ўтказилган профилактик тушунтириш ишлари натижасида 40 та ов-қуроли фуқаролар томонидан ихтиёрий равишда ИИБларга тақдим қилинган.

Андижон шаҳрида 8 та, Андижон туманида 5 та, Балиқчи туманида 2 та, Булоқбоши туманида 5 та, Жалақудуқ туманида 4 та, Избоскан туманида 2 та, Қўрғонтепа туманида 1 та, Марҳамат туманида 6 та, Олтинкўл туманида 2 та, Пахтаобод туманида 2 та, Хўжаобод туманида 1 та, Шаҳрихон туманида 3 та қурол ихтиёрий равишда фуқаролар томонидан топширилган.

Шунингдек, қурол ва ўқ-дориларни ноқонуний сақлаш бўйича ўтказилган тадбирлар давомида  Андижон шаҳрида 2 та, Марҳамат туманида 2 та ва Булоқбоши туманида 1 та ҳолатлар аниқланиб, ушбу ҳолатлар юзасидан жиноят ишлари қўзғатилган.

Ҳозирда фуқаролар томонидан қурол ва ўқ-дори ҳамда бошқа портловчи моддаларни ноқонуний сақлаш, ташиш ҳамда ўтказиш ҳолатларини аниқлаш юзасидан тезкор тадбирлар давом эттирилмоқда.  

Андижон вилояти ИИБ Ахборот хизмати