Andijon viloyati IIB PPX va JTSB nazorat-litsenziyalash guruhi tomonidan o‘tgan 2021-yilda viloyat bo‘yicha jami 1 ming 993 nafar fuqaro  belgilangan tartibda ovchilik sifatida ro‘yxatdan o‘tkazilib, ovchilarga jami bo‘lib 2 ming 713 ta qurol saqlash uchun ruxsatnomalar berilgan.

Shahar-tuman IIB xodimlari tomonidan ovchilik sifatida ro‘yxatdan o‘tgan ovchilarni shaxsiy qurollarini saqlash holati, ruxsatnomalarning muddatlari muntazam ravishda tekshirib kelinmoqda.

Bundan tashqari, shahar-tuman IIB xodimlari tomonidan noqonuniy ravishda qurol va o‘q-dorilarni saqlash yuzasidan “Qurol” tadbiri davomida bir qator holatlar aniqlangan. Jumladan, o‘tgan 2021-yilning 12 oyi davomida IIB xodimlari tomonidan o‘tkazilgan profilaktik tushuntirish ishlari natijasida 40 ta ov-qurol fuqarolar tomonidan ixtiyoriy ravishda IIBlarga taqdim qilingan.

Andijon shahrida 8 ta, Andijon tumanida 5 ta, Baliqchi tumanida 2 ta, Buloqboshi tumanida 5 ta, Jalaquduq tumanida 4 ta, Izboskan tumanida 2 ta, Qo‘rg‘ontepa tumanida 1 ta, Marhamat tumanida 6 ta, Oltinko‘l tumanida 2 ta, Paxtaobod tumanida 2 ta, Xo‘jaobod tumanida 1 ta, Shahrixon tumanida 3 ta qurol ixtiyoriy ravishda fuqarolar tomonidan topshirilgan.

Shuningdek, qurol va o‘q-dorilarni noqonuniy saqlash bo‘yicha o‘tkazilgan tadbirlar davomida Andijon shahrida 2 ta, Marhamat tumanida 2 ta va Buloqboshi tumanida 1 ta holatlar aniqlanib, ushbu holatlar yuzasidan jinoyat ishlari qo‘zg‘atilgan.

Hozirda fuqarolar tomonidan qurol va o‘q-dori hamda boshqa portlovchi moddalarni noqonuniy saqlash, tashish hamda o‘tkazish holatlarini aniqlash yuzasidan tezkor tadbirlar davom ettirilmoqda.  

Andijon viloyati IIB Axborot xizmati