Андижон вилояти ИИБ Терроризм ва экстремизмга қарши курашиш бошқармаси ҳамда бошқа ҳуқуқни муҳофаза қилувчи органлар томонидан вилоятимиз ҳудудида ижтимоий сиёсий ва криминоген вазиятни барқарорлигини таъминлаш мақсадида олинган тезкор маълумотга асосан, Андижон давлат университети 3-босқич талабаси М.Ога тегишли бўлган “Instagram” тармоғидаги профили холислар иштирокида кўздан кечирилганда, «публикаций» саҳифасига номаълум шахслар томонидан айтилган экстремистик ғоялар билан йўғирилган, диний мазмундаги маърузаларни ва нашидаларни жойлаб келганлиги, бундан ташқари, фуқаро М.Ога тегишли бўлган телефон аппаратининг ички хотирасида террористик ташкилотлар ғояларини тарғиб қилувчи диний мазмундаги маърузаларни сақлаб келаётганлиги аниқланган.

Мазкур ҳолат юзасидан фуқаро М.Ога нисбатан Андижон шаҳар ИИОФМБ Тергов бўлими томонидан Ўзбекистон Республикаси Жиноят Кодексининг 244²-моддаси билан жиноят иши қўзғатилиб, «қамоқ» эҳтиёт чораси қўлланилди.

Андижон вилояти ИИБ Ахборот хизмати