Андижон вилояти ИИБ Касбий тайёргарлик бўлими ташаббуси билан уюшмаган ёшлар ўртасида спортнинг “Воркаут” тури бўйича мусобақалар ўтказилди
Ўзбекистон Республикаси Президентининг 2020-йил 30-октябрь кунги ПФ-6099 сон Фармонига асосан Андижон вилояти ИИБ ҳудудида 2022-йилнинг 6-феврал куни Андижон, Булоқбоши, Хўжаобод, Шаҳрихон туманларида уюшмаган ёшлар ўртасида спортнинг “Воркаут” тури бўйича спорт мусобақалари ўтказилди.
Дастлаб, спорт мусобақаларида иштирок этаётган ёшларга жамиятда инсон саломатлигини мустаҳкамлашда спортнинг ўрни беқиёс эканлиги, бугунги кунда спорт давлат сиёсати даражасига кўтарилганлиги бўйича аниқ мисоллар ёрдамида атрофлича тушунчалар берилди.
Бундан ташқари, барча ривожланган давлатларда “Воркаут” спорт тури кенг оммалашиб бораётганлиги, ушбу спорт турида тана чиниқиши ва турли хил оғир турдаги касалликларга чалинишининг олдини олиши тўғрисида ҳам керакли маълумотлар етказилди.
Мусобақа турникка тортилиш, брус машқларини амалга ошириш ҳамда тош кўтариш йўналишларида амалга оширилди.
Ҳозирда бу каби спорт мусобақаларининг ўтказилиши Андижон вилоятининг барча шаҳар-туманларида ташкиллаштирилмоқда.
Андижон вилояти ИИБ Ахборот хизмати
