Андижон вилояти ички ишлар органлари ходимлари ўртасида спортнинг “Енгил атлетика” узоқ масофага югуриш тури бўйича мусобақа ўтказилди
Ўзбекистон Республикаси ички ишлар вазирининг 2022 йил 22-сентябрь кунги “Ички ишлар органлари ходимларининг хизмат, жанговар, жисмоний ва ахлоқий-психологик тайёргарлигини ташкиллаштириш тўғрисида”ги 383-сон буйруғи ҳамда Андижон вилояти ички ишлар бошқармасининг “2024 йилга мўлжалланган мусобақалар режаси”га асосан Андижон вилояти ички ишлар органлари ходимлари ўртасида соғлом турмуш тарзини тарғиб қилиш, ходимларни жисмонан соғлом ва руҳан тетик тарбиялаш, спорт машғулотларига кенг жалб қилиш ва уларни соғликларини мустаҳкамлаш мақсадида Андижон вилояти ички ишлар бошқармаси ҳамда унинг таркибий ва ҳудудий бўлинмалари ходимлари ўртасида спортнинг “Енгил атлетика” узоқ масофага югуриш тури бўйича мусобақа ўтказилди.
Мусобақа янунига кўра фахрли 3-ўринни Андижон вилояти ИИБ ЖХХ Жамоат тартибини сақлаш бошқармасининг 1-отряд инспектори сафдор Шавкатбек Каримов эгаллаган бўлса, фахрли 2-ўринни Андижон вилояти ИИБ ЖХХ Жамоат тартибини сақлаш бошқармаси 2-отряд инспектори сафдор Шамсиддин Кимсанов қўлга киритди. Ўтказилган мусобақада мутлоқ ғолиблик Қўрғонтепа тумани ИИБ профилактика инспектори лейтенант Файзулла Ҳабибуллаевга насиб этди.
Ғолиб ва совриндорлар Андижон вилояти ИИБ бошлиҳининг ўринбосари подполковник Жонибек давронов томонидан диплом, медал ҳамда қимматбаҳо совғалар билан тақдирландилар.
Андижон вилояти ИИБ Ахборот хизмати
