Андижон вилояти ИИБ Эксперт-криминалистика маркази ходимлари ўртасида “Энг яхши эксперт-криминалист” кўрик-танлови бўлиб ўтди. Унда вилоят ички ишлар органларининг барча эксперт-криминалистлари иштирок этиб, ўз билим ва маҳоратини намойиш қилди.

Кўрик танлов эксперт-криминалистика фаолияти йўналишида якка тартибдаги суҳбат, иштирокчиларнинг билим даражасини аниқлашга қаратилган тест синовлари, калашников автомати ва макаров пистолетини тўлиқсиз қисмларга ажратиш, йиғиш синовлари,  босқичларида ўтказилди.

Танловда баҳолаш натижаларига кўра, 1-ўринни вилоят ИИБ Эксперт-криминалистика маркази Биометрик идентификация қилиш гуруҳи бош эксперти капитан Мадаминов Миржалол, 2-ўринни вилоят ИИБ Эксперт-криминалистика маркази Биометрик идентификация қилиш гуруҳи катта эксперти катта лейтенант Умарова Дилбархон ҳамда 3-ўринни Бўстон тумани ИИБ Эксперт-криминалистика гуруҳи катта эксперти катта лейтенант Абдураҳмонов Муҳаммаджонлар эгалладилар.

Ҳудудий саралаш босқичида ғолибликни қўлга киритган ходимлар энди Республикада бўлиб ўтадиган кўрик танловда иштирок этишади.

Мазкур танлов эксперт-криминалистлар билим ва малакасини ошириш, соғлом рақобатни шакллантириш ҳамда соҳада малакали кадрлар сафини мустаҳкамлашга хизмат қилмоқда.

Андижон вилояти ИИБ Ахборот хизмати