Андижон вилояти ИИБ томонидан Асака туманидаги “Нурли маскан” мактаб-интернати ўқувчи ва тарбияланувчилари учун "Янги йил байрами" тадбири ташкил этилди
Янги йил ўзгача кайфиятда кутиладиган байрам. Унинг мўъжизакорлиги кўнгилларга кўтаринки руҳ, завқу-шавқ олиб келишидир. Айни кунларда юртимиз бўйлаб барчага шоду-хурсандчилик улашиб, янги йил шукуҳи кезиб юрибди. Хусусан, Янги йил байрами муносабати билан Андижон вилоятининг барча шаҳар-туманларида ҳам турли хил кўнгилочар байрам тантаналари бўлиб ўтмоқда.
Андижон вилояти ИИБ томонидан Асака туманидаги “Нурли маскан” мактаб- интернатининг бошланғич ва юқори синф ўқувчилари учун ташкил этилган "Янги йил" байрами тадбири ҳам уларнинг шўх-шодон ўйин кулгулари ва бетакрор саҳна чиқишлари билан барчага ўзгача завқ улашди.
Байрам тадбирларида 125 нафар ўқувчилар, устозлар ва ота-оналар иштирок этдилар. Ўқувчилар томонидан янги йил ҳақидаги куй-қўшиқлар ва рақслар ижро этилди. Тадбирни кўтаринки руҳда ўтиши учун Қорбобо ва Қорқиз ҳамда эртак қаҳрамонларининг чиқишлари ўқувчиларга олам-олам қувонч бағишлади.
Тадбирга ташриф буюрган меҳмонлар ўқувчилар ва мактаб-интернати жамоасини янги йил байрами билан самимий қутлаб, уларга янги йил совғаларини улашдилар.
Бундан ташқари ўқувчилар учун байрам дастурхони ҳам ташкил этилди.
Бир сўз билан айтганда “Нурли маскан” мактаб- интернатида ташкил этилган янги йил байрами тадбири кўтаринки руҳда бўлиб ўтди.
Андижон вилояти ИИБ Ахборот хизмати
