Ўзбекистон Республикаси Президентининг 2019 йил 6 март кунги “Транспорт ва туризм объектларида жамоат хавфсизлигини таъминлашнинг самарали тизимини жорий этишга оид қўшимча чора-тадбирлар тўғрисида”ги тегишли қарори ҳамда Ички ишлар вазири ўринбосари генерал-майор Б.Ю.Мирзарахимовнинг режа-топшириғига асосан Жорий йилнинг 12-13 февраль кунлари Андижон вилояти Транспортда хавфсизликни таъминлаш бошқармаси томонидан бир қатор ишлар амалга оширилмоқда.

Хусусан, Андижон вилояти Транспортда хавфсизликни таъминлаш бошлиғи подполковник Р.М.Аброров томонидан жами узунлиги 243.9 километр бўлган темир йўл масофасини махсус поездда, темир йўл корхона ва ташкилотлари мутасадди раҳбарлари билан бирга кўздан кечириб, ҳаракат хавфсизлигини таъминлаш, хавфсизликка таҳдид солувчи омилларни бартараф этиш ҳамда жиноят ва ҳуқуқбузарликларни олдини олиш бўйича керакли кўрсатмалар бериб ўтди.     

Шунингдек, “Темир йўлларда хавфсиз кун” ҳамда “Ҳуқуқбузарликлар профилактикаси куни” тадбирлари доирасида бошқарма ходимлари томонидан хизмат ҳудуддаги темир йўл корхона ва ташкилотларда, темир йўлга яқин бўлган маҳалла фуқаролар йиғинларида ҳамда таълим муассасаларида профилактик давра суҳбатлари ўтказилди.

Бундан ташқари, темир йўлга яқин бўлган хонадон эгалари билан профилактик тушунтириш ишлари олиб борилиб, уларга огоҳлантирувчи флаерлар тарқатилди.

Шу билан бирга, темир йўл ишчи ходимлари билан ҳамкорликда рейдлар ўтказилиб, ҳаракат хавфсизлигига таҳдид солувчи омилларни ўрнида бартараф этиш чоралари кўрилди.

Ҳозирда бу каби профилактик ишлар давом эттирилмоқда.

Андижон вилояти ИИБ Ахборот хизмати