Andijon viloyati Transportda xavfsizlikni taʼminlash boshqarmasi tomonidan “Temir yo‘llarda xavfsiz kun” profilaktik tadbiri doirasida keng qamrovli ishlar amalga oshirildi
O‘zbekiston Respublikasi Prezidentining 2019-yil 6-mart kungi “Transport va turizm obyektlarida jamoat xavfsizligini taʼminlashning samarali tizimini joriy etishga oid qo‘shimcha chora-tadbirlar to‘g‘risida”gi tegishli qarori hamda Ichki ishlar vaziri o‘rinbosari general-mayor B.Y.Mirzaraximovning reja-topshirig‘iga asosan Joriy yilning 12-13-fevral kunlari Andijon viloyati Transportda xavfsizlikni taʼminlash boshqarmasi tomonidan bir qator ishlar amalga oshirilmoqda.
Xususan, Andijon viloyati Transportda xavfsizlikni taʼminlash boshlig‘i podpolkovnik R.M.Abrorov tomonidan jami uzunligi 243.9 kilometr bo‘lgan temir yo‘l masofasini maxsus poyezdda, temir yo‘l korxona va tashkilotlari mutasaddi rahbarlari bilan birga ko‘zdan kechirib, harakat xavfsizligini taʼminlash, xavfsizlikka tahdid soluvchi omillarni bartaraf etish hamda jinoyat va huquqbuzarliklarni oldini olish bo‘yicha kerakli ko‘rsatmalar berib o‘tdi.
Shuningdek, “Temir yo‘llarda xavfsiz kun” hamda “Huquqbuzarliklar profilaktikasi kuni” tadbirlari doirasida boshqarma xodimlari tomonidan xizmat hududdagi temir yo‘l korxona va tashkilotlarda, temir yo‘lga yaqin bo‘lgan mahalla fuqarolar yig‘inlarida hamda taʼlim muassasalarida profilaktik davra suhbatlari o‘tkazildi.
Bundan tashqari, temir yo‘lga yaqin bo‘lgan xonadon egalari bilan profilaktik tushuntirish ishlari olib borilib, ularga ogohlantiruvchi flayerlar tarqatildi.
Shu bilan birga, temir yo‘l ishchi xodimlari bilan hamkorlikda reydlar o‘tkazilib, harakat xavfsizligiga tahdid soluvchi omillarni o‘rnida bartaraf etish choralari ko‘rildi.
Hozirda bu kabi profilaktik ishlar davom ettirilmoqda.
Andijon viloyati IIB Axborot xizmati