Юртимизда жамоат тартибини сақлаш, фуқаролар хавфсизлигини таъминлаш, жиноятчиликка қарши курашиш, уни олдини олиш борасидаги ўз хизмат вазифасига сидқидилдан ёндашиб, ҳамкасбларига алоҳида ўрнак бўлиб келаётган бир гуруҳ ёш ходимларнинг ота-оналарига Ички ишлар вазирининг ўринбосари генерал-майор Даврон Назармухамедовнинг миннатдорчилик хатлари юборилган.  

Эътиборлиси худди шундай миннатдорчилик хатига Қўрғонтепа тумани ИИБ канцелярия иш юритувчиси сафдор Азизбек Акромжоновнинг ота-онаси ҳам муносиб деб топилган.

Ушбу миннатдорчилик хати ва эсдалик совғаси Андижон вилояти ИИБ бошлиғининг ўринбосари подполковник Жонибек Давронов томонидан Қўрғонтепа тумани ИИБ шахсий таркиби иштирокида ходимнинг онасига тантанали равишда топширилиб, бошқарма бошлиғининг миннатдорчилиги ҳам етказилди. 

Албатта бу каби кўрсатилаётган рағбатдан келгусида хар қандай ходим ҳам виждонан ва садоқат билан ишлаши шубҳасиздир.

Андижон вилояти ИИБ Ахборот хизмати