Yosh xodimning ota-onasiga IIV o‘rinbosarining minnatdorchilik xati yetkazildi
Yurtimizda jamoat tartibini saqlash, fuqarolar xavfsizligini taʼminlash, jinoyatchilikka qarshi kurashish, uni oldini olish borasidagi o‘z xizmat vazifasiga sidqidildan yondashib, hamkasblariga alohida o‘rnak bo‘lib kelayotgan bir guruh yosh xodimlarning ota-onalariga Ichki ishlar vazirining o‘rinbosari general-mayor Davron Nazarmuxamedovning minnatdorchilik xatlari yuborilgan.
Eʼtiborlisi xuddi shunday minnatdorchilik xatiga Qo‘rg‘ontepa tumani IIB kanselyariya ish yurituvchisi safdor Azizbek Akromjonovning ota-onasi ham munosib deb topilgan.
Ushbu minnatdorchilik xati va esdalik sovg‘asi Andijon viloyati IIB boshlig‘ining o‘rinbosari podpolkovnik Jonibek Davronov tomonidan Qo‘rg‘ontepa tumani IIB shaxsiy tarkibi ishtirokida xodimning onasiga tantanali ravishda topshirilib, boshqarma boshlig‘ining minnatdorchiligi ham yetkazildi.
Albatta bu kabi ko‘rsatilayotgan rag‘batdan kelgusida xar qanday xodim ham vijdonan va sadoqat bilan ishlashi shubhasizdir.
Andijon viloyati IIB Axborot xizmati
