Ўзбекистон Республикаси Вазирлар Маҳкамасининг 2021 йил 24 август кунги “Ички ишлар органларида энг яхши ходимларни аниқлаш бўйича республика танловини ташкил этиш чора-тадбирлари тўғрисида”ги Қарори ижросини таъминлаш мақсадида жорий йилнинг 18 сентябрь куни “Энг яхши профилактика инспектори” ҳамда “Энг яхши тезкор ходим” кўрик танловларининг Андижон вилояти босқичи ўтказилди.

Кўрик танлов бир қатор шартлар асосида бўлиб ўтди. Дастлаб ходимлар жисмоний тайёргарлик баҳсларида тўсинда тортилиш ҳамда 100 метрга югуриш бўйича синовдан ўтказилган бўлса, сўнгра жанговар тайёргарлик баҳсларида Макаров пистолетини тўлиқсиз қисмларга ажратиш ва йиғиш ҳамда 50 метр масофадан ўқ отиш бўйича баҳслашдилар. Шундан сўнг, иштирокчиларнинг билим ҳамда индивидуал психологик хусусиятлари даражасини аниқлашга қаратилган тест синовлари олинди. Баҳслар сўнгида, кўрик танловнинг вилоят комиссия томонидан ҳар бир иштирокчи билан якка тартибда суҳбатлар ўтказилди.

Қизғин ва муросасиз ўтган кўрик танлов якунларига кўра “Энг яхши профилактика инспектори” йўналиши бўйича 3-ўрин Марҳамат тумани ИИБ ҲПБ профилактика катта инспектори капитан Р.М.Зикиряевга, 2-ўрин Булоқбоши тумани ИИБ ҲПБ профилактика инспектори катта лейтенант М.А.Ахмаджоновга ҳамда  фахрли 1-ўрин Жалақудуқ тумани ИИБ ҲПБ профилактика инспектори лейтенант Б.М.Турғуновга насиб этди.

“Энг яхши тезкор вакил” йўналиши бўйича ўтган баҳслар якунига кўра, 3-ўринни Булоқбоши туман ИИБ ЖҚБ тезкор вакили лейтенант Ё.З.Абдумаликов, 2-ўринни Хонобод шахар ИИБ ТваЭКҚГ катта тезкор вакили майор Х.Х.Усмонов  ва мусобақа ғолиблигини  Андижон тумани ИИБ ЖҚБ тезкор вакили лейтенант С.А.Дадахонов эгаллади.

Мусобақа ғолиблигини қўлга киритган иштирокчилар келгусида республика миқёсида ўтказиладиган финал босқичида Андижон вилояти шарафини ҳимоя қилади.

Андижон вилояти ИИБ Ахборот хизмати