Ўзбекистон Республикаси Президентининг 2020 йил 30 октябрь кунги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ва   Ўзбекистон Республикаси Ички ишлар вазирининг 2020 йил 24 декабрь кунги “Ички ишлар органларида соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги тегишли буйруқлари талабларига асосан, ходимлар ўртасида соғлом турмуш тарзини тарғиб қилиш, жисмонан соғлом ва руҳан тетик тарбиялаш, спорт машғулотларига кенг жалб қилиш ва уларни соғлиқларини мустаҳкамлаш мақсадида, жорий йилнинг 19 май куни вилоят ички ишлар органлари ходимлари ўртасида спортнинг “Шахмат” тури бўйича мусобақа ўтказилди.

Ўзбекистон Республикаси ички ишлар Вазирлиги ишчи гуруҳи ташаббуси билан ўтказилган мусобақада ҳар бир соҳавий хизмат ва шаҳар-туман ички ишлар бўлимларидан жами 22 нафар  ходим иштирок этди.

Ҳакамликни Марҳамат тумани “Шахмат мактаби” мураббийи ҳамда вилоят ИИБ Кадрлар бошқармаси Касбий тайёргарликни ташкиллаштириш бўлими ходимлари амалга оширдилар.

Мусобақа якуни бўйича фахрли 3-ўринни вилоят ИИБ Пост-патруль хизмати ва жамоат тартибини сақлаш бошқармаси сафдор ходими, сафдор Хабибуллаев Хуршидбек Хайрулло ўғли, фахрли 2-ўринни Избоскан тумани ИИБ Ҳуқуқбузарликлар профилактикаси бўлими профилактика инспектори, лейтенант Ортиқов Исломжон Юлдашали ўғли, фахрли 1-ўринни Қўрғонтепа тумани ИИБ Ташкилий бўлинма бошлиғи майор Иномов Асилбек Расуловичлар эгалладилар. Шунингдек, “Намунали иштироки учун” номенациясига вилоят ИИБ Тезкор вазифаларни бажарувчи сафарбарлик отряди катта мутахассис снайпери, катта сержант Боймирзаев Жўрабек Комилович,“Ғалабага бўлган иродаси учун” номенациясига эса Мархамат тумани ИИБ Жиноят қидирув бўлими катта тезкор вакили, майор Қахрамонов Фаррух Қахрамоновичлар лойиқ кўрилди.

Мусобақа ғолибларига, кубок, медаль, бадиий китоб ҳамда эсдалик совғалар топширилди.

Андижон вилояти ИИБ Ахборот хизмати