IIV ishchi guruhi tashabbusi bilan Andijon viloyati ichki ishlar organlari xodimlari o‘rtasida sportning “Shaxmat” turi bo‘yicha musobaqa o‘tkazildi
O‘zbekiston Respublikasi Prezidentining 2020 yil 30 oktyabr kungi “Sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi Farmoni va O‘zbekiston Respublikasi Ichki ishlar vazirining 2020 yil 24 dekabr kungi “Ichki ishlar organlarida sog‘lom turmush tarzini keng tatbiq etish va ommaviy sportni yana-da rivojlantirish chora-tadbirlari to‘g‘risida”gi tegishli buyruqlari talablariga asosan, xodimlar o‘rtasida sog‘lom turmush tarzini targ‘ib qilish, jismonan sog‘lom va ruhan tetik tarbiyalash, sport mashg‘ulotlariga keng jalb qilish va ularni sog‘liqlarini mustahkamlash maqsadida, joriy yilning 19 may kuni viloyat ichki ishlar organlari xodimlari o‘rtasida sportning “Shaxmat” turi bo‘yicha musobaqa o‘tkazildi.
O‘zbekiston Respublikasi ichki ishlar Vazirligi ishchi guruhi tashabbusi bilan o‘tkazilgan musobaqada har bir sohaviy xizmat va shahar-tuman ichki ishlar bo‘limlaridan jami 22 nafar xodim ishtirok etdi.
Hakamlikni Marhamat tumani “Shaxmat maktabi” murabbiyi hamda viloyat IIB Kadrlar boshqarmasi Kasbiy tayyorgarlikni tashkillashtirish bo‘limi xodimlari amalga oshirdilar.
Musobaqa yakuni bo‘yicha faxrli 3-o‘rinni viloyat IIB Post-patrul xizmati va jamoat tartibini saqlash boshqarmasi safdor xodimi, safdor Xabibullayev Xurshidbek Xayrullo o‘g‘li, faxrli 2-o‘rinni Izboskan tumani IIB Huquqbuzarliklar profilaktikasi bo‘limi profilaktika inspektori, leytenant Ortiqov Islomjon Yuldashali o‘g‘li, faxrli 1-o‘rinni Qo‘rg‘ontepa tumani IIB Tashkiliy bo‘linma boshlig‘i mayor Inomov Asilbek Rasulovichlar egalladilar. Shuningdek, “Namunali ishtiroki uchun” nomenatsiyasiga viloyat IIB Tezkor vazifalarni bajaruvchi safarbarlik otryadi katta mutaxassis snayperi, katta serjant Boymirzayev Jo‘rabek Komilovich,“G‘alabaga bo‘lgan irodasi uchun” nomenatsiyasiga esa Marxamat tumani IIB Jinoyat qidiruv bo‘limi katta tezkor vakili, mayor Qaxramonov Farrux Qaxramonovichlar loyiq ko‘rildi.
Musobaqa g‘oliblariga, kubok, medal, badiiy kitob hamda esdalik sovg‘alar topshirildi.
Andijon viloyati IIB Axborot xizmati
