Китоб — энг яхши совға
Бугунги глобаллашув асрида интернет орқали саноқли сониялар ичида керакли маълумотга эга бўлиш мумкин. Аммо интернет китоб ўрнини боса олмайди. Электрон ўқув инсонга фақатгина қуруқ маълумот бериш билангина чекланади. Китобни ушлаганда, уни саҳифалай бошлаганда ундаги воқеалар шиддат билан ривожланганда эса кишини ўзгача ҳаяжон босади. Китобда ҳар бир киши ўзи учун ахлоқий покликни, ақлий камолотни топади. Шунинг учун ҳам китоб-энг яхши совға.
Жорий йилнинг 13 июль куни Андижон вилояти ИИБ бошлиғи томонидан Андижон туманида ёшлар билан бўлиб ўтган учрашувда келиб тушган мурожаат ижросини таъминлаш мақсадида сектор ҳудудидаги Дарё бўйи МФЙда жойлашган IT-CODERS ўқув маркази ўқувчилари учун китоблар жамланмаси совға қилинди.
Албатта, бу каби эзгу ният остида амалга оширилаётган ишлар миллатимиз келажаги бўлган ёшларимизнинг маънавий оламини янада юксалтириб, дунёқарашлари кенгайишида муҳим омил бўлиб хизмат қилади.
Андижон вилояти ИИБ Ахборот хизмат
