Ўзбекистон Республикаси ИИВнинг 2023 йил 11 апрелдаги “Ички ишлар органларида “Ватанга ва халққа садоқат билан хизмат қилиш – олий бурчимиз!” шиори остида “Маънавият ойлиги”ни ўтказиш тўғрисида” 100-сонли фармойиши ва бошқарма бошлиғининг 2023 йил 30 апрелдаги “Ички ишлар органлари ёш ходимлари ўртасида “Зукко китобхон” интеллектуал танловини ташкил этиш тўғрисида”ги 67-сонли буйруғи ижросини таъминлаш мақсадида ёш ходимлар ўртасида “Зукко китобхон” интеллектуал танловининг вилоят босқичи ўтказилди.

Ёш ходимларнинг ижтимоий-маънавий билимларини янада мустаҳкамлаш ва амалий кўникмаларини ривожлантириш, жамият ҳаётидаги ижтимоий фаоллигини ошириш, дунёқарашива фикрлаш доирасини кенгайтириш, миллий қадриятлар, тарихий-маънавий меросга ҳурмат ва садоқатли қилиб тарбиялаш ҳамда китоб ўқишга бўлган қизиқишларини янада оширишга қаратилган интеллектуал танлов қизиқарли ва баҳс-мунозараларга бой бўлди.

Қизиқарли ва муросасиз ўтган ўйин натижасига кўра Хўжаобод тумани ИИБ жамоаси 3-ўринни, Шаҳрихон тумани ИИБ жамоаси 2-ўринни ҳамда Андижон вилояти ИИБ жамоаси эса фахрли 1-ўринни эгаллади.

Ғолиб ва совриндор бўлган жамоалар вилоят ички ишлар бошқармаси раҳбарияти томонидан диплом ва қимматбаҳо совғалар билан тақдирландилар.

Ёш ходимларнинг интеллектуал ва профессионал билим даражаси ҳамда маънавий-ахлоқий савиясини ошириш борасидаги тадбирлар давом эттирилмоқда.  

Андижон вилояти ИИБ Ахборот хизмати