O‘zbekiston Respublikasi IIVning 2023-yil 11-apreldagi “Ichki ishlar organlarida “Vatanga va xalqqa sadoqat bilan xizmat qilish – oliy burchimiz!” shiori ostida “Maʼnaviyat oyligi”ni o‘tkazish to‘g‘risida” 100-sonli farmoyishi va boshqarma boshlig‘ining 2023 yil 30 apreldagi “Ichki ishlar organlari yosh xodimlari o‘rtasida “Zukko kitobxon” intellektual tanlovini tashkil etish to‘g‘risida”gi 67-sonli buyrug‘i ijrosini taʼminlash maqsadida yosh xodimlar o‘rtasida “Zukko kitobxon” intellektual tanlovining viloyat bosqichi o‘tkazildi.

Yosh xodimlarning ijtimoiy-maʼnaviy bilimlarini yana-da mustahkamlash va amaliy ko‘nikmalarini rivojlantirish, jamiyat hayotidagi ijtimoiy faolligini oshirish, dunyoqarashiva fikrlash doirasini kengaytirish, milliy qadriyatlar, tarixiy-maʼnaviy merosga hurmat va sadoqatli qilib tarbiyalash hamda kitob o‘qishga bo‘lgan qiziqishlarini yana-da oshirishga qaratilgan intellektual tanlov qiziqarli va bahs-munozaralarga boy bo‘ldi.

Qiziqarli va murosasiz o‘tgan o‘yin natijasiga ko‘ra Xo‘jaobod tumani IIB jamoasi 3-o‘rinni, Shahrixon tumani IIB jamoasi 2-o‘rinni hamda Andijon viloyati IIB jamoasi esa faxrli 1-o‘rinni egalladi.

G‘olib va sovrindor bo‘lgan jamoalar viloyat ichki ishlar boshqarmasi rahbariyati tomonidan diplom va qimmatbaho sovg‘alar bilan taqdirlandilar.

Yosh xodimlarning intellektual va professional bilim darajasi hamda maʼnaviy-axloqiy saviyasini oshirish borasidagi tadbirlar davom ettirilmoqda.  

Andijon viloyati IIB Axborot xizmati