Бугун Андижон вилояти ички ишлар бошқармаси маънавий-маърифий ишлар ва кадрлар билан таъминлаш хизмати, ички ишлар органларида хотин-қизлар масалалари бўйича бош инспектори, капитан Барнохон Мирзаева ҳамда хотин қизлар кенгаши раиси ўринбосари, подполковник Нилуфар Мўминовалар томонидан "Маънавият ойлиги" доирасида ИИВ Андижон академик лицейида таҳсил олувчи ўқувчи қизлар билан "Маънавиятли ёшлар - келажак пойдевори" мавзусида давра суҳбати ташкил этилди.

Давра суҳбати давомида ўқувчи қизларнинг жамиятдаги юриш-туриш қоидаларига риоя этишлари, уларнинг ватан равнақи учун етук кадрлар бўлиб етишишлари тўғрисида гапириб ўтилди, уларни келажакда ватанга ва халққа хизмат қилиш йўлида сидқидилдан ўқиш ва хизмат қилиши, ички ишлар ходими қандай бўлиши учун қандай тайёргарликлар кўриш, унинг тартиблари тўғрисида ҳам тушунчалар бериб борилди.

Андижон вилояти ишчи ишлар бошқармаси Тиббиёт бўлими шифокори Муҳайё Дадахаджаева томонидан уларнинг соғликларини асраш, шахсий гигиена қоидалари ва соғлом турмуш тарзига амал қилишлари тўғрисида керакли тавсиялар берилди.

Ўқувчи қизлар ўзларига қизиқ бўлган саволлар билан тадбир иштирокчиларига мурожаат қилдилар ва улардан керакли жавоблар олдилар. Учрашув якунида қизлар томонидан ватан, она ҳамда аёлларни мадҳ этувчи шеър ва қўшиқлар ҳам намойиш этилди.

Шундан сўнг меҳмонлар томонидан ўқувчи қизлар учун яратилган шарт-шароитлар ўрганилди. Лицей ўқувчилари учун ажратилган ётоқхонада мавжуд шарт-шароитлар ўрганилиб ўқувчилар билан яқиндан суҳбат олиб борилди. Ушбу ётоқхонада ўқувчилар учун кутубхона ҳам ташкил этилган бўлиб, мазкур кутубхона доимий иш фаолиятини олиб бормоқда. Якунда ўқувчи қизларнинг таклифларига биноан бундай учрашувларни тез-тез ташкил этишга келишиб олинди.

Андижон вилояти ИИБ Ахборот хизмати