Жорий йилнинг 25 июнь куни “Қонунийликни таъминлаш ва темир интизом ойлиги” доирасида вилоят ИИБ бошлиғининг ўринбосари подполковник Жонибек Давронов раислигида Андижон шаҳри бўйича ички ишлар органлари фаолиятини мувофиқлаштириш бошқармасида, уларнинг ота-оналари ҳамда фахрий ходимлар иштирокида  хизмат интизомини мустаҳкамлашга қаратилган муҳокама йиғилиши бўлиб ўтди.

Тадбир аввалида, ўзининг жирканч нафси йўлида коррупцион ва бошқа ноқонуний ҳолатларни содир этиб, яқинларини эл-юрт олдида уятга қўйган айрим нопок ходимларнинг аччиқ қисматлари акс этган таъсирчан видеоролик намойиш этилиб, барча огоҳликка чорланди.

Бу каби салбий ҳолатлар содир этилишига йўл қўймаслик ҳамма бир ёқадан бош чиқариб ишласагина кутилган натижаларга эришиш мумкинлиги ҳаётий мисоллар ёрдамида таъкидлаб ўтилди.

Учрашув давомида Андижон шаҳри бўйича ички ишлар органлари фаолиятини мувофиқлаштириш бошқармасида шахсий таркиби ўртасида хизмат интизоми ва қонунийликни таъминлаш борасида олиб борилаётган ишлар ҳолати танқидий таҳлил қилиниб, келгусида амалга оширилиши лозим бўлган аниқ вазифалар белгилаб олинди.

Тадбир сўнгида, ўзининг намунали интизоми ҳамда жамоат тартибини сақлаш ва фуқаролар осойишталигини ишончли таъминлашда бошқа ҳамкасбларига алоҳида ўрнак бўлиб келаётган бир гуруҳ ходимларнинг ота-оналарига бошқарма бошлиғининг ташаккурномалари тантанали равишда топширилди. Шунингдек, бир гуруҳ ходимлар тантанали равишда нафақага кузатилди.

 Албатта ўтказилаётган бу каби учрашувлар ходимлар ўртасида турли нохуш ҳолатлар содир этилишини  барвақт олдини олиб, уларни янада шижоат билан ишлашларига хизмат қилади.  Ҳозирда бу каби хизмат интизомини мустаҳкамлашга қаратилган тадбирлар жойларда давом эттирилмоқда.

Андижон вилояти ИИБ Ахборот хизмати