Пахтаобод ҳамда Избоскан тумани ИИБларида Андижон вилояти ИИБ бошлиғининг ўринбосари подполковник Жонибек Давронов раислигида ўтган 9 ой давомида жиноятчиликка қарши курашиш, ҳуқуқбузарликларни олдини олиш, жисмоний ва юридик шахсларнинг мурожаатлари билан ишлаш, шахсий таркиб билан хизмат интизомини мустаҳкамлаш бўйича ўтказилган тадбирлар, йўл қўйилган камчиликлар ҳамда келгусидаги устувор вазифаларни белгилаб олишга қаратилган ҳисобот йиғилиши бўлиб ўтди.

Танқидий руҳда ўтказилган мажлисларда жорий йилнинг ўтган даври мобайнида ҳар икки туманда ҳуқуқбузарликлар профилактикаси йўналишида амалга оширилган ишлар, жиноятчиликка қарши курашиш, содир этилган жиноятларни иссиқ изидан очиш, қидирувдаги жиноятчиларни аниқлаш, фуқаролар хавфсизлигини таъминлаш, жисмоний ва юридик шахсларнинг мурожаатларини кўриб чиқиш жараёнлари шунингдек, шахсий таркиб ўртасида хизмат интизомини мустаҳкамлаш, ходимларнинг жанговар ва жисмоний шайлигини ошириш бўйича ўтказилган тадбирлар ҳамда ушбу йўналишда камчиликка йўл қўйган раҳбар ва ходимлар муҳокама қилиниб, уларнинг ҳисоботлари тингланди.

Шунингдек, жиноятчиликка қарши курашиш ва ҳуқуқбузарликлар профилактикасини амалга ошириш борасидаги юклатилган мажбуриятларни намунали тарзда бажариб келаётган бир гуруҳ ходимларга навбатдаги махсус унвонлар ҳамда бошқарма бошлиғининг ташаккурнома ҳамда эсдалик совғалари топширилди.

Ҳисобот йиғилиши якунида ушбу йўналишнинг мутасадди раҳбарлари ва ходимларига келгусидаги амалга оширилиши лозим бўлган вазифалар аниқ ва манзилли тарзда белгилаб берилди.

Андижон вилояти ИИБ Ахборот хизмати