11 Июл 2022 йил
474
Шаҳрихон тумани ИИБ бошлиғи ёшлар билан учрашув ўтказди
Маълумки, июль ойи Андижонда «Уюшмаган ёшлар билан ишлаш ойлиги» деб эълон қилинган. Ушбу ойлик доирасида бугун Шаҳрихон тумани ички ишлар бўлими бошлиғи А.Исламов «Дўлан» маҳалла фуқаролар йиғинида жойлашган педагогика коллежида ҳамда «Абдубий» қишлоғидаги 2-сон касб-ҳунар мактабида ўзи раҳбарлик қилаётган 3-сектор ҳудудидаги маҳаллалар ёшлари вакиллари билан учрашув ўтказди.
Унда уюшмаган ёшлар бандлигини таъминлаш, касб-ҳунарга жалб қилиш, тадбиркорликка йўналтириш, улар ўртасида жиноятчилик ва ҳуқуқбузарлик ҳолатларининг олдини олиш масалалари кўрилди.
Мулоқот жараёнида сектор раҳбари томонидан ёшларнинг мурожаатлари тингланиб, уларни ижобий ҳал этиш чоралари белгиланди.
Андижон вилояти ИИБ Ахборот хизмати
