17 Феврал 2022 йил
474
Шаҳрихон туманида ўтказилаётган “Зарбдор ўн кун” тезкор-профилактик тадбири доирасида қиморхона фош этилди
2022 йил 15 февраль куни соат 19:00ларда Андижон вилояти ИИБ ЖҚБ ҳамда Шаҳрихон тумани ИИБ ЖҚБ ходимлари билан ҳамкорликда туман ҳудудида ўтказилаётган “Зарбдор ўн кун” тезкор-профилактик тадбири доирасида тезкор тадбир амалга оширилди.
Олиб борилган тезкор тадбир натижасида Шаҳрихон тумани, Дўлан МФЙда жойлашган чойхонада бир нечта шахслар таваккалчиликка асосланган “хулист” қимор ўйинини ўйнашаётганликлари аниқланди.
Даврада бўлган жами 116.000 сўм пуллар ва 29 дона ўйин қарталари холислар иштирокида баённома орқали туман ИИБ ихтиёрига расмийлаштирилиб олинди.
Мазкур ҳолат юзасидан тегишли ҳужжатлар расмийлаштирилиб, қўшимча суриштирув ишлари олиб борилмоқда.
Андижон вилояти ИИБ Ахборот хизмати
