7 Октябр 2021 йил
433
Қўрғонтепа тумани ИИБ ходимлари томонидан велосипед ўғирлиги фош этилди
Қўрғонтепа тумани ИИБ ходимлари томонидан олиб борилган тезкор-қидирув ва суриштирув ҳаракатлари натижасида жорий йилнинг 19 сентябрь куни соат 11:30 ларда фуқаро Ғ.К туманнинг Хонкўча МФЙ, Андижон кўчасида жойлашган "Ишонч" дўконлар тармоғи туман филиалига тегишли бўлган нархи 1.700.000 сўмлик велосипедни яширин равишда ўғирлаб кетганлиги аниқланди.
Мазкур ҳолат юзасидан Қўрғонтепа туман ИИБ ҳузуридаги Тергов бўлинмаси томонидан Ўзбекистон Республикаси Жиноят кодексининг 169-моддаси 1-қисми (ўғирлик) билан жиноят иши қўзғатилиб, ҳозирда дастлабки тергов ҳаракатлари олиб борилмоқда.
Андижон вилояти ИИБ Ахборот хизмати
