Ўзбекистон Республикаси Ички ишлар вазирининг 2025 йил 11 август кунги “Ўзбекистон Республикаси Давлат мустақиллигининг ўттиз тўрт йиллигини нишонлашга тайёргарлик кўриш ва уни ўтказиш мобайнида жамоат хавфсизлигини таъминлаш борасида республика ички ишлар органлари томонидан амалга оширилиши лозим бўлган тадбирлар тўғрисида”ги тегишли режа-дастури, Ички ишлар вазирлигининг жорий йилнинг 18 август кунги ҳамда Андижон вилояти ички ишлар бошқармасининг 2025 йил 20 август кунги тегишли кўрсатмалари талабларига асосан Андижон вилояти ички ишлар бошқармаси аппарати шахсий таркиби билан саф кўриги ўтказилди.

Унда бошқарма бошлиғининг ўринбосари подполковник Жонибек Давронов иштирок этиб, ходимлар томонидан жойларда ўтказиладиган байрам сайлларида жамоат тартиби ва фуқаролар осойишталигини таъминлашда алоҳида жонбозлик кўрсатишлари зарурлиги ҳамда хизмат интизоми ва қонунийликка қатъий амал қилишлари бўйича кўрсатма ва топшириқлар берилди.   

Саф кўригида шахсий таркибни белгиланган формали кийим-бошни кийиб юриш қоидаларига амал қилишлари, ташқи кўриниши, хизмат гувоҳномаси, касбий маданият  ва хизмат интизоми кодекси мавжудлиги ҳамда уларнинг саф тайёргарлик даражасига алоҳида эътибор қаратилди.

Саф кўриги гуруҳлар тартибида тантанали юриш билан якунланди. Айтиб ўтиш жоизки, ўтказилаётган бу каби саф кўриклари ички ишлар органлари ходимларини хар томонлама турли вазиятларда хизматга шай туришларини таъминлайди.

Андижон вилояти ИИБ Ахборот хизмати