O‘zbekiston Respublikasi Ichki ishlar vazirining 2025-yil 11-avgust kungi “O‘zbekiston Respublikasi Davlat mustaqilligining o‘ttiz to‘rt yilligini nishonlashga tayyorgarlik ko‘rish va uni o‘tkazish mobaynida jamoat xavfsizligini ta’minlash borasida respublika ichki ishlar organlari tomonidan amalga oshirilishi lozim bo‘lgan tadbirlar to‘g‘risida”gi tegishli reja-dasturi, Ichki ishlar vazirligining joriy yilning 18-avgust kungi hamda Andijon viloyati ichki ishlar boshqarmasining 2025 yil 20-avgust kungi tegishli ko‘rsatmalari talablariga asosan Andijon viloyati ichki ishlar boshqarmasi apparati shaxsiy tarkibi bilan saf ko‘rigi o‘tkazildi.

Unda boshqarma boshlig‘ining o‘rinbosari podpolkovnik Jonibek Davronov ishtirok etib, xodimlar tomonidan joylarda o‘tkaziladigan bayram sayllarida jamoat tartibi va fuqarolar osoyishtaligini ta’minlashda alohida jonbozlik ko‘rsatishlari zarurligi hamda xizmat intizomi va qonuniylikka qat’iy amal qilishlari bo‘yicha ko‘rsatma va topshiriqlar berildi.   

Saf ko‘rigida shaxsiy tarkibni belgilangan formali kiyim-boshni kiyib yurish qoidalariga amal qilishlari, tashqi ko‘rinishi, xizmat guvohnomasi, kasbiy madaniyat  va xizmat intizomi kodeksi mavjudligi hamda ularning saf tayyorgarlik darajasiga alohida e’tibor qaratildi.

Saf ko‘rigi guruhlar tartibida tantanali yurish bilan yakunlandi. Aytib o‘tish joizki, o‘tkazilayotgan bu kabi saf ko‘riklari ichki ishlar organlari xodimlarini xar tomonlama turli vaziyatlarda xizmatga shay turishlarini ta’minlaydi.

Andijon viloyati IIB Axborot xizmati