Андижон вилояти прокурори Муродилло Абдуҳакимов ҳамда Ички ишлар бошқармаси бошлиғи Санжар Джабаровлар раислигида бўлиб ўтган муҳокамада Андижон шаҳар ҳокими, ҳуқуқ-тартибот органлари раҳбарлари, ташкилот-муассасалар масъуллари, “маҳалла еттилиги” аъзолари ҳамда кенг жамоатчилик вакиллари иштирок этди.

Тадбир аввалида, мастлик оқибатида содир этилган жиноят сабаблари ва унинг оқибатлари жамоатчиликка атрофлича етказилиб, ушбу  жиноятнинг келиб чиқишига шарт-шароит яратган омиллар туб илдизигача таҳлиллар асосида танқидий муҳокама қилинди.

Олдини олиш мумкин бўлган жиноятни содир этилишига йўл қўйган барча масъулларга белгиланган тартибда жазо чоралари кўрилиши айтиб ўтилди.

Муҳокама йиғилишида “маҳалла еттилиги” аъзолари, таълим муассасаси масъуллари томонидан ушбу содир этилган аянчли ҳолатдан ўзларига етарличахулосаа чиқарган ҳолда келгусида бундай жиноятларга йўл қўймаслик бўйича фикр-мулоҳазалар билдирилди.  

Шунингдек, ўтказилган муҳокамада бугунги кунда кенг тус олаётган кибефирибгарлик ҳусусида ҳам атрофлича сўз юритилди.  Бугунги кунда фуқароларнинг ушбу турдаги жиноятлар қурбонига айланиб қолишларида уларнинг ишонувчанлиги сабаб бўлаётганлиги кескин танқид остига олиниб, барча огоҳликка чақирилди.

Тадбир якунида келгусида бу каби салбий ҳолатларга йўл қўймаслик борасида тегишли мутасаддиларга муҳим чора-тадбирлар белгилаб берилди.

Андижон вилояти ИИБ Ахборот хизмати