Andijon viloyati IIB JQB xodimlari tomonidan Asaka tumanida qimorxona faoliyatiga chek qo‘yildi
2021 yil 22 fevral kuni Andijon viloyati IIB JQB Uyushgan jinoyatchilik va qurol bilan qonunga xilof ravishda muomala qilishga qarshi kurashish bo‘limi hamda Tezkor vazifalarni bajaruvchi safarbarlik otryadi xodimlari bilan hamkorlikda tezkor tadbir o‘tkazildi.
Tezkor tadbir natijasida Asaka tumanida istiqomat qiluvchi fuqaro M.A o‘zining yashash xonadonida jami 10 nafar shaxslar ishtirokida tavakkalchilikka asoslangan o‘yinlarni qonunga xilof ravishda tashkil etib kelayotganligi maʼlum bo‘ldi.
Mazkur holat bo‘yicha voqea joyini ko‘zdan kechirish tergov harakati o‘tkazilib, 6 dona yelim idishlar , 4 dona suyakdan yasalgan “oshiqlar” xolislar ishtirokida bayonnoma orqali rasmiylashtirilib olindi.
Hozirda ushbu holat yuzasidan Asaka tumani IIB tomonidan tergovga qadar tekshiruv harakatlari olib borilmoqda.
Andijon viloyati IIB Axborot xizmati
