Andijon viloyati ichki ishlar organlari xodimlari o‘rtasida sportning “Shaxmat” turi bo‘yicha musobaqa o‘tkazildi
Andijon viloyati ichki ishlar organlari xodimlari o‘rtasida sog‘lom turmush tarzini targ‘ib qilish, jismonan sog‘lom va ruhan tetik tarbiyalash, ularni sport mashg‘ulotlariga keng jalb qilish maqsadida o‘rtasida sportning “Shaxmat” turi bo‘yicha musobaqa o‘tkazildi.
Musobaqa, tasdiqlangan qoidalarga asosan o‘tkazilib, har bir sohaviy xizmat va shahar-tuman ichki ishlar bo‘limlaridan jami 32 nafar xodim ishtirok etdi.
Musobaqada 3-o‘rinni Andijon viloyati IIB maʼnaviy-maʼrifiy ishlar va kadrlar bilan taʼminlash xizmati kichik inspektori safdor Muhammadumar Qosimov, 2-o‘rinni Xo‘jaobod tumani IIB Tashkiliy bo‘linma navbatchilik qismi inspektor navbatchisi katta serjant Dilmurod Ergashev hamda faxrli 1-o‘rinni Marhamat tumani IIB 1-son IIB boshlig‘i mayor Farrux Qaxramonov qo‘lga kiritdi.
Musobaqa so‘ngida g‘olib va sovrindorlar Andijon viloyati IIB rahbariyati tomonidan diplom va esdalik sovg‘alar bilan taqdirlandilar.
Andijon viloyati IIB Axborot xizmati
