Hisobot yig‘ilishi Andijon viloyati IIB boshlig‘ining o‘rinbosari podpolkovnik Jonibek Davronov raisligida o‘tkazilib, 2025-yilning o‘tgan 6 oyi davomida jamoatchilik kengashi tomonidan amalga oshirilgan ishlar atroflicha muhokama qilindi.

Xususan, tizimning ochiqligini ta’minlash va ijtimoiy tarmoqlarda uchrayotgan salbiy holatlarga tezkor munosabat bildirish kabi masalalar ham tahlillar asosida muhokama qilindi.

Shuningdek, ichki ishlar organlari xodimlari tomonidan olib borilayotgan mashaqqatli va zahmatli xizmatlarni xalqimizga yanada ta’sirchan usullarda yetkazish, tizim obro‘sini ko‘taradigan ijtimoiy roliklarni son va sifat jihatdan ko‘paytirish masalalari ham kengash a’zolari tomonidan ko‘rib chiqildi.

Jamoatchilik kengashining hisobot yig‘ilishi turli fikrlar yangi g‘oyalar va takliflarga boy bo‘ldi. Yakunda barcha yo‘nalishlarda amalga oshirilishi zarur bo‘lgan muhim vazifalar belgilab olindi.

Andijon viloyati IIB Axborot xizmati