Baliqchi tumani IIB xodimlari tomonidan o‘quvchilarga ko‘rgazmali o‘quv-tarbiyaviy mashg‘ulotlar o‘tkazilmoqda
Baliqchi tuman IIB boshlig‘i Nurullo Biloloxunovning tashabbusi bilan o‘quvchilarni yot g‘oyalar taʼsiridan asrash, ularni milliy hamda umuminsoniy qadriyatlarga sodiqlik, diniy bag‘rikenglik va millatlararo totuvlik ruxida tarbiyalashga yo‘naltirilgan ko‘rgazmali o‘quv-tarbiyaviy mashg‘ulotlar o‘tkazilmoqda.
Xususan, o‘g‘il-qizlarning yo‘l harakati xavfsizligi qoidalari bo‘yicha bilimlarini yanada mustahkamlash maqsadida Vatanparvar tashkiloti bilan hamkorlikda ko‘rgazmali mashg‘ulotlar o‘tkazilyapti. Unda o‘quvchilarga texnika xavfsizligi, transport vositalarining ishlash jarayonlari va yo‘l harakati qoidalari ham nazariy, ham amaliy jihatdan tanishtirilmoqda.
Hozirda bu kabi profilaktik tadbirlar davom ettirilmoqda.
Andijon viloyati IIB Axborot xizmati
