O‘zbekiston Respublikasi Prezidentining 2025-yil 3-yanvar kungi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 1-son qarori ijrosi talablaridan kelib chiqib, joriy yilning 2-aprel kuni Andijon viloyatining Izboskan tumanida, viloyat prokurori Murodillo Abduhakimov hamda Ichki ishlar boshqarmasi boshlig‘i Sanjar Djabarovlar tomonidan probatsiya hisobidagi shaxslar hamda muqaddam sudlanganlarning muammolarini o‘rganish, ularning bandligini ta’minlash maqsadida sayyor qabul tashkil etildi.  

Qabulda 50 nafardan ziyod  yaqin fuqarolarning turli masalalardagi murojaatlari tinglandi. Xususan, tadbirkorlik faoliyatini yo‘lga qo‘yish, kredit olish, ishga joylashish, yer ajratish va boshqa ijtimoiy masalalardagi aksariyat murojaatlar joyida ijobiy hal etildi.

Murojaatlarning har biri mutasaddi idoralar vakillari tomonidan o‘rganib chiqilib, yechimi vaqt talab qiladigan murojaatlar yuzasidan tegishli mas’ullarga topshiriqlar berildi. 

Bir so‘z bilan aytganda, ko‘plab fuqarolar mavjud muammolarining ijobiy hal qilinishi ortida muhtaram Prezidentimizning olib borayotgan odilona siyosati yotganligini mamnuniyat bilan izxor etdilar.

Bu kabi sayyor qabullarning tashkil etilishi Andijon viloyatining boshqa shahar-tumanlarida ham davom ettirilmoqda.  

Andijon viloyati IIB Axborot xizmati