Andijon viloyati ichki ishlar organlarida xizmat qilayotgan yosh xodimlar o‘rtasida “Ajdodlar izidan” intellektual o‘yinining viloyat bosqichi o‘tkazildi
O‘zbekiston Respublikasi Qurolli Kuchlari va huquqni muhofaza qiluvchi organlari tizimida 2023-yilda yoshlarga oid davlat siyosatini samarali amalga oshirish yuzasidan hamkorlikdagi chora-tadbirlar dasturi, shuningdek, Andijon viloyati ichki ishlar organlarida xizmat qilayotgan yosh xodimlarning intellektual va professional bilim darajasini, maʼnaviy-axloqiy saviyasini muntazam ravishda oshirib borish maqsadida, yosh xodimlar o‘rtasida “Ajdodlar izidan” intellektual o‘yinining viloyat bosqichi o‘tkazildi.
Ushbu o‘tkazilgan intellektual o‘yin qiziqarli va bahs-munozaralarga boy bo‘ldi. O‘yin natijasiga ko‘ra, Oltinko‘l tumani IIB jamoasi 3-o‘rinni, Xo‘jaobod tumani IIB jamoasi 2-o‘rinni hamda IIV Xalqaro aeroportlarda xavfsizlikni taʼminlash qo‘shinlarining 7255-sonli harbiy qismi jamoasi esa faxrli 1-o‘rinni egalladi.
G‘olib va sovrindor bo‘lgan jamoalar diplom va sovg‘alar bilan taqdirlandilar.
Yosh xodimlarning intellektual va professional bilim darajasi hamda maʼnaviy-axloqiy saviyasini oshirish borasidagi tadbirlar davom ettirilmoqda.
Andijon viloyati IIB Axborot xizmati
