Andijon viloyati IIB tizimidagi navbatchilik xizmatlarini nazariy bilim saviyasi va amaliy ko‘nikmalarini oshirishga qaratilgan o‘quv-seminar mashg‘ulotlari o‘tkazildi
O‘zbekiston Respublikasi IIV Tashkiliy departamentining 2022-yil 28-yanvar kungi tegishli ko‘rsatmasi hamda 2022-yil 22-yanvar kuni Ichki ishlar vazirining o‘rinbosari polkovnik B.T.Abdullayev raisligida o‘tkazilgan videoselektor yig‘ilishida berilgan topshiriqlar ijrosini taʼminlash maqsadida Andijon viloyati IIB boshlig‘i tomonidan tasdiqlangan reja-dasturga asosan 4-5 fevral kunlari viloyati IIB tizimidagi navbatchilik xizmatlarini nazariy bilim saviyasi va amaliy ko‘nikmalarini oshirishga qaratilgan o‘quv-seminar mashg‘ulotlari o‘tkazildi.
Ikki kun davomida bo‘lib o‘tgan o‘quv-seminarida Andijon viloyati IIB, YHXB, PPXvaJTSB, Transportda XTB, Andijon shahar bo‘yicha IIOFMB, 15 ta shahar va tuman IIBlari navbatchilik qismi katta inspektor-navbatchi va navbatchi yordamchilari hamda “102” tizimi operatorlaridan iborat jami 114 nafar xodim ishtirok etdi.
O‘quv-seminar mashg‘ulotlari avvalida navbatchilik qismi xodimlari o‘rtasida saf ko‘rigi o‘tkazildi.
Shundan so‘ng, tegishli ko‘rsatma va o‘tkazilgan videoselektor yig‘ilishida berilgan topshiriqlarning mazmun-mohiyati viloyat IIB Tashkiliy boshqarma Navbatchilik qismi boshlig‘i podpolkovnik U.T.Saliyev tomonidan o‘qib eshittirildi.
Viloyat IIB XSB bosh inspektorlari tomonidan maxsus rejalar harakatga keltirilganida navbatchilik qismi xodimlarining vazifalari nimalardan iborat ekanligi atroflicha tushuntirib o‘tildi.
Shuningdek, viloyat IIB Kasbiy tayyorgarlik bo‘limi hamda TVBSO masʼul xodimlari tomonidan o‘q otar qurollarni to‘liqsiz qismlarga ajratish va yig‘ish, ularning taktik-texnik xususiyatlarini o‘rgatish bo‘yicha mashg‘ulotlar o‘tkazildi. Bundan tashqari, ommaviy tartibsizliklar yuzaga kelganda ichki ishlar organlari xodimlari tomonidan maxsus vositalarni qo‘llash, ularni boshqarish bo‘yicha amaliy mashg‘ulot ham bo‘lib o‘tdi.
O‘quv-seminari yakunlarida viloyat IIB Kasbiy tayyorgarlik bo‘limi xodimlari tomonidan navbatchilik qismi xodimlarining bilim saviyasini sinash maqsadida ulardan savol-javob test sinovlari olindi.
Andijon viloyati IIB Axborot xizmati
