Andijonda huquq-tartibot organlarining hamkorligida o‘tkazilgan tezkor tadbir davomida O‘zbekiston Respublikasiga noqonuniy olib kirilgan pirotexnika vositalari aniqlandi
Joriy yilning 9-dekabr kuni Andijon viloyati IIB, Bojxona boshqarmasi hamda Milliy gvardiya Andijon viloyati Qo‘riqlash boshqarmasi xodimlari bilan hamkorlikda o‘tkazilgan tezkor tadbir davomida Shahrixon tumanida yashovchi fuqaro Yu.B boshqaruvidagi oq rangli “COBALT” rusumli avtotransport vositasi Shahrixon tumani “Cho‘ja” MFY hududida to‘xtatilib ko‘zdan kechirilgan vaqtda, avtomashina salonida O‘zbekiston Respublikasiga noqonuniy olib kirilgan 2 ming 880 ta qutida “BRITANIK” nomli pirotexnika vositalari borligi aniqlandi.
Natijada umumiy qiymati 20 million 116 ming 800 so‘mlik bo‘lgan pirotexnika vositalari daliliy ashyo tariqasida olinib, hozirda mazkur holat yuzasidan tergovga qadar tekshiruv harakatlari olib borilmoqda.
Andijon viloyati IIB Axborot xizmati
