Andijon viloyati ichki ishlar boshqarmasi tomonidan "Huquqbuzarliklar profilaktikasi kuni" munosabati bilan keng qamrovli profilaktik tadbirlar o‘tkazilmoqda
O‘zbekiston Respublikasi Prezidentining 2017-yil 14-mart kungi "Huquqbuzarliklar profilaktikasi va jinoyatchilikka qarshi kurashish tizimini yana-da takomillashtirish chora-tadbirlari to‘g‘risida"gi PQ-2833-son qaroriga asosan Andijon viloyati IIB tomonidan viloyatda "Huquqbuzarliklar profilaktikasi kuni" tadbirlari o‘tkazilmoqda.
Bugungi tadbir viloyatning barcha shahar-tumanlaridagi mahallalar hududida o‘tkazilishi belgilandi.
Keng qamrovli o‘tkazilayotgan "Huquqbuzarliklar profilaktikasi kuni" tadbirida viloyat hokimligi, Milliy gvardiya, favqulodda vaziyatlar, sog‘liqni saqlash, xalq taʼlimi boshqarmalari, hududiy gaz va elektr taʼminoti korxonalari va boshqa mutasaddi idoralardan xodimlar jalb qilindi.
Boshqarma boshlig‘ining o‘rinbosari podpolkovnik I.B.Ismanov tadbir o‘tkazilishi oldidan xizmat oldi yo‘riqnomasini o‘tkazib, amalga oshirilishi lozim bo‘lgan vazifalarni belgilab berdi.
Andijon viloyati IIB Axborot xizmati
