Andijon viloyati ichki ishlar organlarining yosh xodimlari o‘rtasida “Mard o‘g‘lon” harbiy ko‘pkurash musobaqasi o‘tkazildi
Yosh xodimlarning sportga bo‘lgan qiziqishlarini, shuningdek, ularning kasbiy va jismoniy tayyorgarlik darajasini yana-da oshirish, ular o‘rtasida sog‘lom turmush-tarzini keng targ‘ib qilish hamda Ichki ishlar vazirining 2024-yil 4-apreldagi 107-sonli farmoyishi ijrosini taʼminlash maqsadida yosh xodimlar o‘rtasida “Mard o‘g‘lon” harbiy ko‘pkurash musobaqasi o‘tkazildi.
O‘tkazilgan musobaqa natijasiga ko‘ra, Oltinko‘l tumani IIB jamoasi 3-o‘rinni, viloyat IIB JXX JTSB jamoasi 2-o‘rinni hamda Qo‘rg‘ontepa tumani IIB jamoasi esa faxrli 1-o‘rinni egalladi.
G‘olib va sovrindor bo‘lgan yosh xodimlar viloyat ichki ishlar boshqarmasi rahbariyati tomonidan diplom va qimmatbaho sovg‘alar bilan taqdirlandilar.
Yosh xodimlarning sportga bo‘lgan qiziqishlarini, kasbiy va jismoniy tayyorgarlik darajasini yana-da oshirish, ular o‘rtasida sog‘lom turmush-tarzini keng targ‘ib qilish borasidagi tadbirlar davom ettirilmoqda.
Andijon viloyati IIB Axborot xizmati
