Bugun 14 sentyabr kuni Andijon viloyati IIB apparati shaxsiy tarkibi uchun navbatdagi "Maʼnaviyat va maʼrifat" darsi bo‘lib o‘tdi.

Dastlab, Andijon davlat universiteti Tarix fakulteti Jahon tarixi kafedrasi o‘qituvchisi Sardorbek Sobirov tomonidan “Jaloliddin Manguberdi – Mardlik va jasorat timsoli” mavzusida atroflicha so‘z yuritildi.Xususan, vatan ozodligi yo‘lida mo‘g‘ullarga qarshi mardlarcha kurashib, jonini fido qilgan dovyurak sarkarda, milliy qahramonimiz haqida shaxsiy tarkibga qimmatli maʼlumotlar yetkazildi.

Shuningdek, ichki ishlar organlari o‘rtasida xizmat intizomi buzilish holatlari yuzasidan IIV SHXBB Andijon viloyati bo‘yicha boshqarmasi masʼul xodimi tomonidan xodimlarga maʼlumotlar taqdim etilib, ogohlikka chaqirildilar.“Maʼrifat soati” davomida boshqarma boshlig‘ining o‘rinbosari podpolkovnik Jonibek Davronov tomonidan shaxsiy tarkib o‘rtasida xizmat intizomi va qonuniylikka qatʼiy amal qilish, yo‘l qo‘yilgan kamchiliklardan har bir rahbar va xodimlar xulosa chiqargan holda xizmat tashkil etishlari kerakligi bo‘yicha aniq vazifa va  chora tadbirlar belgilandi.  

Bundan tashqari, Andijon viloyati IIB Terrorizmga qarshi kurashish boshqarmasi Mafkuraviy targ‘ibot bo‘limi boshlig‘i podpolkovnik Avazbek Ismoilov  tomonidan hozirda butun dunyoga katta tahdid solib turgan terrorizm illati haqida batafsil tushunchalar berildi.

Shu bilan birgalikda, Ichki ishlar vaziri hamda Andijon viloyati ichki ishlar boshqarmasi boshlig‘ining tegishli buyruqlariga asosan  o‘tkazilgan "Eng yaxshi profilaktika inspektori” ko‘rik tanlovining viloyat bosqichi g‘olib va sovrindorlarini taqdirlash marosimi ham o‘tkazildi.

Tadbir so‘nggida O‘zbekiston milliy teleradiokompaniyam tomonidan tayyorlangan “Tahlilnoma” ko‘rsatuvi namoyish etildi.

Andijon viloyati IIB Axborot xizmati