Yurtimizda bayramlar arafasida arzonlashtirilgan oziq-ovqat yarmarkalarini tashkil etish yaxshi an’anaga aylangan. Davlatimiz mustaqilligining 34-yilligi bayrami munosabati bilan respublikamiz bo‘ylab barcha korxona va tashkilotlarda oziq-ovqat yarmarkalarining o‘tkazilayotgani aholi uchun katta qulaylik yaratmoqda.

Xususan, bugun 27-avgust kuni Andijon viloyati IIB JXX Jamoat tartibini saqlash boshqarmasida ichki ishlar organlari xodimlari va ishchi xizmatchilarning oila a’zolari uchun tashkil etilgan arzonlashtirilgan oziq-ovqat mahsulotlari yarmarkasi ham fikrimizning yorqin tasdig‘idir.

Savdo yarmarkasida hududiy ta’minot korxonalari hamda dehqon va fermer xo‘jaliklari tomonidan qoramol go‘shti, qo‘y go‘shti, tuxum, baliq, o‘simlik va paxta yog‘i hamda un hamda ho‘l va quruq mevalar, shirinliklar kabi mahsulotlarini hamda maktab o'quv-qurollarini qulay narxlarda xarid qilish imkoniyati yaratildi.

Bayram arafasida bu kabi yarmarkalarni o‘tkazib borilishi  ichki ishlar xodimlari va ishchi xizmatchilarning vaqti tejalishiga ularning oila a’zolarini esa bayramni to‘kin dasturxon ila yaxshi kayfiyatda qarshi olishlariga ko‘mak beradi.

Andijon viloyati IIB Axborot xizmati