Andijon viloyati IIB tomonidan Oltinko‘l tumanining Qipchoq mahallasidagi otaliqqa olingan yoshlarning muammolarini hal etishga qaratilgan amaliy ishlar davom ettirilmoqda
Avval xabar qilinganidek, Andijon viloyati IIB tomonidan Oltinko‘l tumanining “Qipchoq” mahallasidagi otaliqqa olingan yoshlarning muammolarini hal etish hamda ular tomonidan sodir etilishi mumkin bo‘lgan jinoyat va huquqbuzarliklarni barvaqt oldini olish bo‘yicha “mahalla yettiligi” aʼzolari bilan hamkorlikda bir qator ishlar amalga oshirilmoqda.
Xususan, joriy yilning 15-avgust kuni Qipchoq mahallasining Saodatli ko‘chasida istiqomat qiluvchi 1996-yilda tug‘ilgan Bunyodbek Jalilovga oilaviy tadbirkorlikni rivojlantirish hamda o‘zini o‘zi band qilish maqsadida 5 million so‘m miqdorida imtiyozli kredit puli ajratilib topshirildi.
Shuningdek, joriy yilning 2-avgust kuni boshqarma boshlig‘i o‘rinbosari podpolkovnik J.M.Davronov tomonidan Qipchoq mahallasida otaliqqa olingan yoshlar bilan o‘tkazilgan uchrashuvda Soadatli ko‘chasini shag‘allashtirilishda amaliy yordam so‘rab murojaat qilingan edi. Ushbu murojaat yuzasidan ko‘chani shag‘allashtirish ishlari olib borilmoqda.
Bu kabi ishlar hozirda davom ettirilmoqda.
Andijon viloyati IIB Axborot xizmati
