Andijon viloyati IIB huzuridagi Jamoatchilik kengashi tomonidan joriy yilning 9 oyida amalga oshirilgan ishlar bo‘yicha hisobot yig‘ilishi o‘tkazildi
Hisobot yig‘ilishi Andijon viloyati IIB boshlig‘ining o‘rinbosari podpolkovnik Jonibek Davronov raisligida o‘tkazilib, o‘tgan vaqt davomida jamoatchilik kengashi tomonidan amalga oshirilgan ishlar atroflicha muhokama qilindi.
Xususan, tizimning ochiqligini taʼminlash va ijtimoiy tarmoqlarda uchrayotgan salbiy holatlarga tezkor munosabat bildirish kabi masalalar tahlillar asosida muhokama qilindi.
Shuningdek, ichki ishlar organlari xodimlari tomonidan olib borilayotgan mashaqqatli va zaxmatli xizmatlarni xalqimizga yana-da taʼsirchan usullarda yetkazish, tizim obro‘sini ko‘taradigan ijtimoiy roliklarni son va sifat jihatdan ko‘paytirish masalalari ham kengash aʼzolari tomonidan ko‘rib chiqildi.
Jamoatchilik kengashining hisobot yig‘ilishi turli fikrlar yangi g‘oyalar va takliflarga boy bo‘ldi. Yakunda barcha yo‘nalishlarda amalga oshirilishi zarur bo‘lgan muxim vazifalar belgilab olindi.
Andijon viloyati IIB Axborot xizmati
