11 Noyabr 2024 yil
1317
Andijon viloyatida huquq-tartibot organlari xodimlari tomonidan 66 million so‘mdan ziyod qiymatdagi pirotexnika vositalari aniqlandi
Joriy yilning 6-noyabr kuni soat 20:30 larda Andijon viloyati IIB, DXX Andijon viloyati bo‘yicha boshqarmasi hamda viloyat Bojxona boshqarmasi xodimlari bilan hamkorlikda Oltinko‘l tumanida tezkor-tadbir o‘tkazildi.
Tadbir davomida Oltinko‘l tumani hududida joylashgan 36-son YPX maskanida Farg‘ona viloyatida yashovchi K.M boshqaruvidagi oq rangli “MERSEDES BENZ SPRINTER” rusumli avtotransport vositasi to‘xtatilib ko‘zdan kechirilganida, uning saloni va yukxonasida 7 ta qopga solinib, 14 dona karton qutiga joylangan jami 1670 dona 66.800.000 so‘mlik rangli tutun chiqaruvchi pirotexnika vositalari borligi aniqlandi.
Hozirda holat bo‘yicha surishtiruv ishlari olib borilmoqda.
Andijon viloyati IIB Axborot xizmati
