2021 yil 19 may kuni Andijon viloyatida joylashgan “Bog‘i Bobur” adirliklarida, Andijon viloyati ichki ishlar organlarida erkaklar bilan yelkama-yelka xizmat qilib kelayotgan xodima ayollari o‘rtasida O‘zbekiston Respublikasi IIV ishchi guruhi va Andijon viloyati IIB rahbariyati tashabbusi bilan “Pazanda xodima ayol” ko‘rik tanlovi o‘tkazildi.

Ushbu ko‘rik tanlovda Andijon viloyati IIB apparati xodimalaridan tashkil topgan “To‘marislar”, Andijon viloyati IIO Huquqbuzarliklar profilaktikasi boshqarmasi xodimalaridan tashkil topgan “Tashabbuskor ayollar”,  Andijon viloyati IIO Kanselyariya xodimalaridan tashkil topgan “Nafosat malikalari” hamda Andijon viloyati IIO sportchi ayollaridan tashkil topgan “Sportchi qizlar” jamoalari to‘rt nafar xodimalar bilan ishtirok etishdi.

Tanlov 3 bosqichda bo‘lib o‘tdi. Dast avval, xodima ayollarning pazandalik mahoratlari sinovdan o‘tkazilib, milliy taom bo‘lmish palov tayyorlandi. Shundan so‘ng, salat tayyorlash va stol ustini bezatish kabi shartlar asosida sinovlar bo‘lib o‘tdi.

“Pazanda xodima ayol” ko‘rik tanlovda Andijon viloyati IIO huquqbuzarliklar profilaktikasi boshqarmasi xodimalaridan tashkil topgan “Tashabbuskor ayollar” jamoasi faxrli 1-o‘rinni egalladi. Barcha ishtirokchilar tadbir so‘ngida viloyat ichki ishlar boshqarmasi tomonidan qimmatbaho sovg‘alar, diplom va tashakkurnomalar bilan taqdirlandilar.

Ko‘rik tanlov ko‘tarinki ruhda, kuy-qo‘shiqlar sadolari ostida bo‘lib o‘tdi.

Hozirda Andijon viloyati ichki ishlar organlarida maʼnaviy-maʼrifiy ishlarni samarali tashkil etish borasidagi madaniy va maʼrifiy tadbirlar davom ettirilmoqda.

Andijon viloyati IIB Axborot xizmati